Tarefas para o luns 20 de Abril

Escoita con atención o seguinte vídeo para recordar a clasificación dos traballos en sectores

Copia no teu caderno e estuda o seguinte resumo.

Os traballos que obteñen produtos

• Os traballos do sector primario.
• Os traballos do sector secundario.

O sector primario 

Agrupa os traballos que obteñen produtos que poden utilizarse directamente, como froitas e hortalizas; ou que serven de materia prima para a insustria, como a madeira para fabricación de mobles.

Estes traballos son: 

• A agricultura: consiste en cultivar a terra para obter produtos vexetais. As persoas que cultivan a terra son os agricultores.
• A gandaría: é a cría de animais para obter produtos como carne, ovos, leite e coiro. As persoas que realizan esta actividade son os gandeiros.
• A pesca: é a captura de peixes e moluscos das augas superficiais e mariñas. Os mariñeiros e os pescadores realizan esta actividade.
• A minaría: extrae da codia terrestre rochas, minerais e metais que se usan como materia prima  na industria para elaborar outros produtos.

Persoas que traballan neste sector: poucas. En España son 4 de cada 100 persoas, e na Unión Europea, 5 de cada 100.

O sector secundario

Agrupa os traballos que transforman as materias primas en produtos elaborados.

Estes traballos son:

• A artesanía
• A construción
• A industria: Esta é a actividade do sector secundario na que traballan máis persoas. Úsanse máquinas para transformar as materias primas en produtos elaborados. Esa transformación chámase proceso industrial e realízase cun traballo en cadea. 

Persoas que traballan neste sector: En España son 22 de cada 100 persoas, e na Unión Europea, 27 de cada 100. 

Mira e escoita os seguintes vídeos para entender mellor o resumo que acabades de escribir.

Estas actividades, aínda que están en castelán, axudaranvos a memorizar este apartado